Cylchlythyr 1 Chwefror 2005

Cyfarfod Blynyddol 2004

Dyma brif bwyntiau Cyfarfod Blynyddol 2004

1) Mae rhai newidiadau wedi eu gwneud i reolau'r Gymdeithas eleni, gwnewch yn siwr eich bod yn eu darllen wedi i chi brynu eich trwydded. Cyfrifoldeb yr unigolyn yw sicrhau eu bod yn gyfarwydd â rheolau'r Gymdeithas.

2) Bu gostyngiad yn y nifer o aelodau a gododd drwydded y flwyddyn ddiwethaf, mae'r Pwyllgor Gwaith yn erfyn ar i bawb godi trwydded eleni er mwyn diogelu dyfodol y Gymdeithas ac er mwyn cadw cost y drwydded cyn ised â phosib. Os oes gennych gyfeillion sydd yn pysgota ac yn byw tu allan i ddalgylch y Gymdeithas gallent gael trwydded gonsesiwn i'w galluogi i bysgota'r dyfroedd - gellir cael mwy o fanylion am hyn gan yr Ysgrifennydd.

3) Oherwydd y gostyngiad yn yr aelodaeth y llynedd mae pris y drwydded ar gyfer eleni wedi codi ychydig. Oedolion- £65, Consesiwn- £65, Pensiynwyr- £40, 12 i 16 oed- £25, o dan 12- £10

4) Er mwyn ceisio hybu mwy o ddefnydd o'r cychod ar Llyn Ogwen bydd tocyn Fin Nos ar gael eleni o 4:00 y.h.am £2.50. Bydd tocyn diwrnod llawn yn dal ar gael am £5.
i) Rhoddir blaenoriaeth i'r sawl sydd yn bwcio cwch am ddiwrnod llawn.
ii)Ni ellir bwcio cwch ar gyfer y Fin Nos tan ar ôl 1:00 y.p.ar y diwrnod.

5) Bydd pob oedolyn fydd yn archebu trwydded yn cael 1 tocyn Fin Nos i'w ddefnyddio ar y
cychod yn Llyn Ogwen am ddim, bydd hwn ar flaen y drwydded.
i) Ni fydd modd bwcio cwch gyda thocyn am ddim ymlaen llaw.
ii) Rhoddir blaenoriaeth i'r sawl sydd yn talu am ddefnyddio'r cwch.
iii)Un waith yn unig all aelod ddefnyddio ei docyn am ddim. Arwyddir y tocyn yng Nghaffi Rhaeadr
Ogwen pan fydd yr aelod yn casglu goriad y cwch i ddangos ei fod wedi defnyddio ei docyn.

6) Mae'r siacedi achub wedi eu tynnu o'r cwt cwch gan nad oeddent yn cyrraedd y safon
angenrheidiol, cyfrifoldeb y sawl sydd yn defnyddio'r cychod yw sicrhau fod ganddynt siaced achub
addas.

Swyddogion
Llywydd - John Davies, Cadeirydd/Trysorydd - Bryn Evans, Ysgrifennydd - Iorwerth Griffith.

Cwpan Thomas Alfred
Enillwyd cwpan Thomas Alfred am y pysgodyn trymaf i'w ddal yn yr afon y llynedd gan Gwyn Jones
gydag eog 14 pwys 12 owns.

Stocio
Bwriedir stocio Llyn Ogwen yn ystod wythnos ddiwethaf y misoedd canlynol -
Ebrill, Mai, Mehefin, Gorffennaf ag Awst.

2004
Yn ystod y flwyddyn ddiwethaf gwnaethpwyd llawer o waith ar ein dyfroedd, dyma'r prif bwyntiau-

2) Tyfiant yn Llyn Ogwen - bu llawer ymgais i geisio rheoli rhywfaint ar y tyfiant yn ardal y llechi,
mae'r pwyllgor wrthi yn ymgynghori gyda'r Cyngor Cefn Gwlad ag Asiantaeth yr Amgylchedd i
geisio gwella'r sefyllfa.

3) Llyn Dan Cob - mae gwaith cynnal a chadw sylweddol wedi ei wneud yma gydag argae newydd
wedi ei chodi yn lle'r un gafodd ei golchi ffwrdd flynyddoedd yn ôl. Oherwydd llifogydd
diwedd yr haf diwethaf ni chafodd y gwaith ei gwblhau felly bydd hyn yn cael ei orffen eleni
ynghyd â gwaith yn Llyn Wern a Llyn John Hughes.
4) Sicrhawyd addewid i gael cyfleusterau ar gyfer yr anabl yn Llyn Ogwen, gobeithir gwneud y gwaith
eleni.

Pwyllgor Gwaith
Mae angen aelodau newydd ar gyfer y Pwyllgor Gwaith, os oes genych ddiddordeb neu os gwyddoch
am unrhyw un a fyddai â diddordeb yna cysylltwch â'r Ysgrifennydd.